Lëvizja Vetëvendosje ka nisur 44 ton ndihma drejt Shqipërisë

18:14 | 28 Nëntor 2019
A. B.

Lëvizja Vetëvendosje ka bërë të ditur se një tjetër varg automjetesh me ndihma të mbledhura e dërguara nga ky subjekt politik sapo ka kaluar kufirin e Morinës dhe ka hyrë në Shqipëri.

VV bën të ditur se janë dy maune, një kamion, tre furgona dhe një autoveturë, ngarkuar me 44 tonë ushqime, veshmbathje, artikuj higjienikë, shtretër, ndërresa për foshnje, e batanije.

“Bashkë me konvojin, njësoj si në herët e tjera, janë edhe një skuadër aktivistësh të cilët do të kryejnë edhe shkarkimin e ndihmave, që të lehtësojnë punën e atyre që po merren me koordinimin e pranimit të ndihmave në Shqipëri”.

“Aktivistët gjatë këtyre ditëve janë vendosur në shërbim të ndihmës për bashkëkombësit tanë. Lëvizja ka qenë dhe do të jetë gjithnjë e gatshme për shqiptarët”.

https://www.facebook.com/vetevendosje/posts/10156344550267000